المكونات
مكونات تحضير الشربات
كوبايتين سكر
كوباية ماء
عودين قرفة
حبيتين هيل
حبيتين قرنفل
رشة صغيرة فانيلا
معلقتين كبيرة عسل
مكونات لقمة القاضي
كوباية ماء دافئ
معلقتين كبيرتين خميرة فورية
كوباية زبادي
كوبين ونصف دقيق
معلقة صغيرة محسن دقيق
طريقة تحضير الزلابية أو لقمة القاضي
في حلة علي النار هنحط فيها الماء والسكر وعيدان القرفة والهيل والفانيليا والعسل ، بعد كدة هنسيب المكونات تغلي علي النار لحد ما نحصل علي قوام سميك من القطر ، بعد كدة هننزل الحلة من علي النار ونسيب الحلة تبرد
في ماء دافئ هندوب الخميرة ونسيبها لحد ما تفور ، بعد كدة هنحط الزبادي علي الخميرة وعليهم الدقيق ومحسن الدقيق ، بعد كدة هنحرك الخليط جيدا لحد ما نحصل علي عجينة عجينة خالية من التكتلات وناعمة ، بعد كدة هنسيب العجينة ترتفع وتتخمر لمدة ساعتين ونصف ونحرك العجينة في الفترة دي مرتين أو تلاتة
في حلة أو طاسة علي النار هنحط فيها الزيت بعد كدة هنشكل العجينة علي شكل كور صغيرة ، هنحط الكور الصغيرة في الزيت ونتركها لحد ما تصبح مقرمشة ومحمرة جيدا
هنخرجها من الزيت ، بعد كدة هنحطها في الشربات ونتركها في الشربات لحد ما تتشرب الشربات
اخيرا هنرصها في أطباق وتقدم طازجة
