طريقة عمل كيكة اللبن

مكونات كيكة اللبن

كوباية دقيق منخول

3 بيضات

كوباية الا ربع سكر

ربع كوباية زيت

نص كوباية لبن

فانيليا

رشة ملح

3 مكعبات زبدة

معلقة صغيرة بيكنج بودر

طريقة تحضير كيكة الحليب

اول حاجة نجيب بولة و نحط فبها كوباية الا ربع سكر و 3 بيضات و نقلبهم مع بعض .

تانى حاجة نحط الزيت على الخليط و نخلطهم ثم نضع البيكنج بودر و الدقيق المنخول و رشة الملح و معلقة الفانيليا و نقلبهم كويس .

تالت حاجة نجيب طاسة و نحط فيها نص كوباية لبن و 3 مكعبات زبدة و نسخنهم لغاية لما يغلى .

رابع حاجة نحط خليط اللبن و الزبدة الساخن على خليط الكيك و نقلب الخليط جيدا .

خامس حاجة ندهن صينية بالزيت و نبطن الصينية بورق الزبدة و نضيف خليط الكيك الى الصينية و نخبط الصينية على الرخامة لغاية لما فقاعات الهواء اللى فى خليط الكيك تخرج منه .

سادس حاجة ندخل صينية الكيك الى الفرن على درجة حرارة متوسطة لغاية لما تستوى و نجرب ندخل خلة اسنان فى وسط الكيك لنختبر تسوية الكيك .

سابع حاجة نقطع كيكة اللبن و نقدمها و بالهنا و الشفا .