طريقه عمل كحك العيد زي المحلات

مكونات كحك العيد

كيلو دقيق

معلقتين كبار لبن بودره

معلقه صغيره بيكنج باودر

ثلث كوبايه ماء

خميره معلقه كبيره

رشه ملح

معلقتين كبار سكر

معلقتين كبار سمسم

معلقه صغيره فانيليا

طريقه تحضير كحك العيد

اول حاجه نجيب بوله نحط فيها كيلو الدقيق ونص معلقه صغيره ملح معلقتين كبار لبن بودره على البيكنج باودر و الفانيليا ونقلبهم .

ثاني حاجه نجيب طاسه ونحط فيها اربع سمنه ونحط عليهم معلقتين السمسم ونخليهم ياخدوا غلوه .

ثالث حاجه نحط السمنه والسمسم السخنين على الدقيق وتسيح باقي السمنه على درجه حراره الطاسه ونحطها على النار لغايه لما تسيح ونحطها على الدقيق و نقلبهم مع بعض كويس جدا.

رابع حاجه نجيب كوبايه ونحط فيها ثلث كوبايه ماء على معلقه سكر على الخميره ونقلبهم ونسيبهم لغايه لما تبدأ تعمل فقاعات هواء على سطح الخميرة و بعد كده نقلبهم على خليط الكحك بالايدي لغايه لما تتكون عندي وتكون العجينة مش بتشقق .

خامس حاجه نكور العجينه وممكن نحشيها ملبن او عجوه ونقفلها كويس ونرصها في السقاط ولازم تكون العجينه مش بتشق ولو شققت يبقى محتاجه سمنه.

سادس حاجه ندخل الكحك الفرن على درجه حراره متوسطه لمده 15 دقيقه او لغايه لما اللون يبقى ذهبي وياخد وش من فوق بعد كده ونخرجه من الفرن ونسيبه لغايه لما يبرد وبعدين نرش عليه سكر بودره وبالهنا والشفا.